Логотип Журнал Сабантуй
ЯҢАЛЫКЛАР

1 сентябрь – Белем бәйрәме.

Бәйрәм

Бүген мин йокыдан

Таң белән уяндым.

Беренче тордым дип,

Әй, шундый куандым.

 

Карасам, көткәндәй

Кадерле кунагын,

Әнием пешереп

Өлгергән коймагын!

 

Кояш та елмая,

Гөлем дә, энем дә...

Ә үзем шатлыктан

Җырлыйм да, биим дә.

 

Бүген бит зур бәйрәм —

Беренче сентябрь!

Хуш, әни! Мин киттем —

Мәктәбем көтәдер.

 

 

Дүртлеләр, бишлеләр

Көтәдер үземне...

Ә, энем, син инде

Бер елга түз инде.

Хакимҗан Халиков

Следите за самым важным и интересным в Telegram-каналеТатмедиа

Нет комментариев