«Сабантуй»лы балачак бәйрәменә рәхим итегез!

Бәйрәмнең беренче өлешендә «Сабантуй» журналы игълан иткән «Сабантуй турында сөйлим»  сәнгатьле шигырь сөйләүчеләр бәйгесе җиңүчеләрен бүләкләү уздырыла. Бәйгегә барлыгы 60 тан артык эш килде. Катнашучларның географиясе киң: Казан, Яр Чаллы, Түбән Кама, Әлмәт, Яшел Үзән, Зәй шәһәрләре, Арча, Актаныш, Биектау, Балтач, Мөслим районнарыннан 6 яшьтән алып 13 яшькә кадәр булган балалар катнаша алды.

Эшләрне мәртәбәле жюри әгъзалары карады: танылган балалар шагыйрәсе, журналист, Татарстан Язучылар берлеге әгъзасы, Абдулла Алиш премиясе лауреаты, Татарстан Республикасының атказанган сәнгать эшлеклесе, озак еллар «Сабантуй»  журналында («Яшь ленинчы» газетасы)  хезмәт куйган Йолдыз Шәрапова; Татарстан республикасы фольклор музыкасы Дәүләт  ансамблендә 25 ел хезмәт куйган, җыр һәм бию буенча уздырылган бик күп проектлар остазы, Татарстанның атказанган артисткасы Гөлия Хаматгалеева; Татарстан Республикасы Мәгарифне үстерү институтының фәнни-педагогик кадрлар әзерләү бүлеге башлыгы, филология фәннәре кандидаты, «Сабантуй» журналында «Балама» сәхифәсе авторы Лилия Хисмәтова.

Бәйгенең нигезләмәсе буенча өч яшь котегориясендә өчәр җиңүче билгеләнде! Шулай ук жюри әгъзалары берничә укучыны махсус бүләк белән дә билгеләде.

6-8 яшьлек балалар арасында:

1.  Айсылу Усманова (Казан шәһәре) 

2.  Ралинә Заһидуллина (Казан шәһәре)

3.  Камил Туктамышев (Казан шәһәре)

Махсус бүләк: Асель Гарәфиева (Балтач  районы)

9-10 яшьлек балалар арасында:

1.  Мәрьям Гарипова (Балтач районы, Иске Салавыч авылы)

2.  Ясминә Галиәхмәтова (Биектау районы)

3.  Эльза Садриева һәм Зинира Масляхова (Түбән Кама шәһәре)

Махсус бүләк: Зилә Шакирова (Казан шәһәре)   

11-13 яшьлек балалар арасында:

1.  Нурзилә Рәхмәтуллина (Арча районы Түбән Мәтәскә авылы) 

2.  Ильяс Сабиров (Арча шәһәре)

3.  Зилә Әхмәтшина (Казан шәһәре)

Махсус бүләк: Мәликә Исламова (Актаныш районы Аккүз авылы)

Бәйрәмнең икенче өлешендә исә балаларны милли уеннар, җыр-бию, лотерея, китап ярминкәсе, аквагрим, «Балама» остаханәсеннән мастер-класс көтә. Шулай ук, 2025 нче елда «Сабантуй» журналының тышлыкларында чыккан балалар төрле номинацияләр буенча бүләкләнеп, үзләренең осталыкларын күрсәтеп, моңлы җырларын тамашачыларга бүләк итәчәк. «Бәхетдин» төркеме, Аделина Мифтахова, Әмирхан Мөбәракшин,  «Шарм» сәнгать үзәгенең «Әллүки» вокаль ансамбле чыгышлары чарага тагын да ямь өстәр. Бәйрәмнең махсус кунаклары – «СалаваTik төркеме, Казан балалар филармониясе һәм танылган җырчы Гөлназ Гафурова,  «Мирас» бию ансамбле.

Җәйнең матур көнен күңелле итеп бергә үткәрик!  Бәйрәмдә катнашу бушлай, әмма теркәлү үтү кирәк:

https://6635-a.timepad.ru/event/3443959/